Dúnıejúzilik densaýlyq saqtaý uıymynyń tergeýshiler toby sársenbide Ýhan vırýsologıa zerthanasyna bardy. Keıbir sarapshylar "koronavırýs sol zerthanadan bastap taralǵan" dep boljaıdy. 

DDSU tergeýshileri ótken aptada 14 kúndik karantın men búrokratıalyq kidiristen keıin Qytaıdyń ortalyq qalasynda zertteý jumystaryn bastady. Olardyń jumysy Qytaıdyń ózinde de,  ózge elderde de qatty baqylaý men saıası qysymǵa ushyrady.
Ýhandaǵy vırýsologıa ınstıtýtynyń zerthanasy jáne oǵan qatysty birneshe oryn pandemıanyń kózi retinde boljanyp, daýly málimdemelerge sebep bolǵan. AQSH-tyń burynǵy prezıdenti Donald Tramp ákimshiliginiń sheneýnikteri zerthanany "koronavırýstyń shyǵý tegi bolýy múmkin" dep jarıalaǵan.
Qytaı Ǵylym Akademıasy ıeligindegi zerthana Beıjińniń tikeleı baqylaýynda jáne eldegi eń joǵary deńgeıde jabdyqtalǵan jalǵyz bıologıalyq zertteý ortalyǵy.