Vladımır Pýtındi lıvıalyq tıran Mýammar Kaddafı sıaqty reseılik narazylyq bildirýshiler óltirýi múmkin. Bul týraly reseılik-amerıkalyq sarapshy Iýrıı Felshtınskıı málimdedi.

Iýrıı Felshtınskıı Pýtın Kaddafı sıaqty "óltirilýden qorqady" deıdi. Onyń pikirinshe, reseılik demonstranttar oppozısıoner Alekseı Navalnyıdyń túrmege qamalýyna ashýly.

Navalnyı 17 qańtarda Máskeýge oralǵannan keıin dereý tutqyndalǵan. Oqıǵa Reseıde narazylyq týdyryp, búkil elde jappaı sherýler boldy. Pýtınge qarsy narazylyqty basý kezinde polısıa 10 myńnan astam adamdy tutqyndady.

Endi Iýrıı Felshtınskıı Reseı prezıdenti bılikti ustap qalý úshin tek repressıany kúsheıtetinin aıtty jáne onyń jaǵdaıyn 2011 jylǵy Kaddafımen salystyrdy.

Reseılik-amerıkalyq avtordyń oıynsha, Navalnyıdyń qamaýǵa alynýy, soǵan baılanysty jalǵasyp jatqan narazylyqtar jáne opozısıanyń qatty qýǵyn-súrginge ushyraýy Pýtınnyń el ishindegi qoldaýǵa ıe bolýyn tómendetip jatyr. Sondyqtan Pýtınde bılikten aıyrylyp qalmaý úshin narazylardy basyp-janyshtaıtyn ǵana tańdaý bar.

Felshtınskııdiń pikirinshe, Pýtınde repressıalyq tásilinen bas tartsa, óltirip kete me degen úreı bar.

Sarapshy The Sun basylymyna "Pýtın óziniń basqarý júıesi qalypty erejeler boıynsha ómir súre almaıtynyn biledi. Ol ıdealıs emes" dep suhbat berdi. 

– Ol qysym jasaýdy jalǵastyrmasa, tiri qalýdyń múmkindigi joq ekenin biledi. Pýtınniń sońǵy oqıǵalardan soń alatyn sabaǵy mynaý: ol baqylaýdy kúsheıtýi kerek jáne kóbirek repressıa jasaýy kerek. Muny biz endi kóretin bolamyz, – dedi ol.