Germanıadaǵy veterınar dáriger ıisshil ıtterdi adamnyń silekeı synamasynan 94 paıyzǵa deıin dáldikpen koronavırýsty anyqtaýǵa úıretkenin málimdedi. Bul týraly Reuters agenttigi habarlady.

Itter vırýs juqtyrǵan adamdardaǵy jasýshalardan shyǵatyn "kovıdtyń ıisin" ıiskeıdi, dep málimdedi Germanıa qarýly kúshteriniń qyzmettik ıtterge arnalǵan dárigeri Ester Shalke.

Veterınarlyq klınıkanyń basshysy Holger Volk "Biz zertteý júrgizdik, onda ıtterimizge kovıdtik pozıtıvti pasıentterdiń synamalaryn ıiskettik jáne ıtterdiń koronavırýsty dál tabýynyń 94 paıyzdyq yqtımaldyǵy bar dep aıta alamyz ... ıtter olardy ıiskep tabady" dedi .

– Sonymen, ıtter juqpaly jáne ınfeksıasy joq adamdardy, sondaı-aq sımptomsyz jáne sımptomatıkalyq kovıdtik pasıentterdi ıiskep taba alady, –dedi Holger Volk.