Aýyrǵandar "qan qusyp, birneshe saǵat ishinde óledi" dep sıpattalǵan qorqynyshty tylsym aýrý 15 adamnyń janyn qıyp, 50 adamdy aýyr kúıge qaldyrdy. Bul týraly brıtanıalyq The Sun gazeti habarlady.

"Tanzanıada aýrýlardyń qan qusýyna ákeletin tylsym aýrý kem degende 15 adamnyń ómirin qıdy", dep habarlady resmı ókilder.

Tanzanıanyń ońtústiginde belgisiz jaǵdaıǵa baılanysty 50-den astam adam aýrýhanaǵa jatqyzyldy.

Densaýlyq saqtaý qyzmetkerleri keıbir naýqastar, onyń ishinde kóbine er adamdar,  birneshe saǵat ishinde qaıtys bolǵanyn aıtty.

Mbeıa aımaǵy Chýná aýyldyq okrýginiń bas dárigeri Felısta Kısandýdyń aıtýynsha, naýqastardy baǵalaý jáne indettiń sebepterin tekserý úshin sarapshylar toby jiberilgen.

– Bul másele keń taralǵan joq. Bul Ifýmbo ákimshilik ǵımaratynda bolǵan, onda adamdar aýrýhanaǵa kesh jetip, qan qusyp, qaıtys boldy. Olardyń aýrýynyń sebebi áli anyqtalǵan joq, biraq Tanzanıanyń densaýlyq saqtaý mınıstrligi indetti joqqa shyǵardy, – dedi Felısta Kısandý.