AQSH-tyń Reseımen nemese Qytaımen ıadrolyq soǵys bastaýynyń "naqty yqtımaldyǵy bar" dep eskertedi AQSH áskerı basshysy. Bul týraly The Times basylymy habarlady.

AQSH-tyń joǵary áskerı qolbasshysy Charlz Rıchard ıadrolyq soǵysty boldyrmaý úshin Amerıka Qurama Shtattary Qytaı men Reseı arasyndaǵy qaıshylyqty báseńdetý kerek ekenin eskertken saraptama jazdy. 

Áskerı qolbasshysy taǵy bir qyrǵı qabaq soǵys qaýpi týraly, tipti naqty Iadrolyq qaqtyǵys týraly eskertti. Reseımen nemese Qytaımen ıadrolyq soǵys - bul "naqty múmkindik" dep eskertti admıral Charlz Rıchard.

"Iadrolyq soqqy berý qabileti men zymyranǵa qarsy qorǵanysqa jaýapty AQSH-tyń strategıalyq qolbasshylyǵynyń basshysy alańdaýshylyq týdyrǵan eskertýdi jarıalady" dep habarlady The Times.

Saraptamada derjavalardyń jahandyq beıbitshilikti saqtaý úshin syn saǵattarda turǵany aıtylǵan.

Admıral óziniń taldaýlarynda Pentagonnyń sońǵy onjyldyqtardaǵy terorızmge qarsy is-qımylǵa basa nazar aýdarýy ıadrolyq qaterdi "elemeýge" ákelip soqtyrǵanyn eskertti.

Gazettiń aqparatyna sáıkes, áskerı qolbasshy bylaı dep jazdy: "Reseımen nemese Qytaımen aımaqtyq daǵdarystyń ıadrolyq qarýmen baılanysty qaqtyǵysqa jalǵasýynyń naqty múmkindigi bar. Rejımge nemese memleketke qaýip tónetin bolsa, soǵystyń tutanýy ábden múmkin."