Úndistannyń WION telearnasy DDSU sheneýnikteriniń "koronavırýs týraly aqparatty bólispegeni úshin Qytaıdy aıyptaǵany" delingen qupıa aýdıojazba jarıalady.

Qańtarda jazylǵan qupıa aýdıo faıldarda Qytaıdyń koronavırýs týraly naqty jáne qosymsha aqparat bermegeni aıtylady.

Aýdıoda Dúnıejúzilik densaýlyq saqtaý uıymynyń (DDSU) basshylary delingen adamdar "pandemıanyń alǵashqy kúnderinde Beıjiń koronavırýs týraly aqparatty bólise almady" dep Qytaıdy jasyryn túrde synǵa aldy.

Taspada doktor Maık Raıandikine uqsas daýys Qytaı aqparatty jasyryp, vırýstyń búkil álemge taralýyna jol bergenin aıtyp, aıyptaıdy jáne pandemıany 2003 jylǵy SARS epıdemıasymen salystyrady.

Jazbada doktor Raıan delingen adamnyń "Bul – dál osy senarı" degen sózi estiledi.

Ol sondaı-aq bylaı deıdi: "Qytaıdan jańa aqparattar alýǵa tyrysyp jatyrmyz ... sodan keıin, shý bolady".

Taspalarda doktor Raıan qytaılyq dárigerlerdi aıyptaıdy, sebebi, ol kezde Qytaı dárigerleri "koronavırýstyń adamnan adamǵa juǵýy týraly naqty dálelder joq" dep jarıalaǵan.

Degenmen, DDSU-nyń bas dırektory doktor Tedros Adhanom Gebresıes buǵan deıin Qytaıdyń "ashyqtyqqa degen umtylysyn sózben aıtyp jetkizý múmkin emes" degen bolatyn.

"Eger jazbalardyń shynaıy ekeni dáleldense, bul – DDSU-nyń alǵashqy kúnderi Beıjińniń propagandasyn qoldaǵanyna jáne vırýstyń qaýiptiligin jasyrǵanyna dálel bola alady" dep jazdy basylym.

Byltyrǵy jyldyń 14 qańtarynda DDSU jarıalaǵan tvıtte vırýs týraly qytaı tilindegi málimdemeniń dál ózi sol kúıinde qoldanylǵan.

Taǵy bir jazbada DDSU-nyń koronavırýs boıynsha tehnıkalyq jetekshisi doktor Marıa Van Kerhov Beıjiń bergen "óte az aqparatqa" shaǵymdanǵan.

Ol DDSU Beıjińnen naqty málimet ala almaǵanyn aıtqan.

Basylym aqparatyna sáıkes, doktor Galea komandasy "resmı jáne beıresmı túrde" vırýs týraly aqparat suraǵanyn, ásirese "sońǵy jaǵdaı" týraly, "bastalǵan kúni" týraly aqparat ala almaǵanyn aıtyp, shaǵymdanady.