AQSH prezıdenti Djo Baıden zań shyǵarýshylarǵa Qytaı agressıvti túrde AQSH-tan ınfraqurylymnan ozyp jatqanyn eskertti.

"Olar kóp aqsha salady, mıllıardtaǵan dollar ınvestısıa jasaıdy, sonymen qatar, olar kólik, qorshaǵan orta jáne basqa da máselelermen baılanysty barlyq máselelerdi sheshedi" dedi Baıden eki partıaly senatorlar tobyna. 

"Olarda temirjol boıynsha úlken, jańa bastama bar jáne olarda saǵatyna 225 mıl jyldamdyqpen júretin temirjoldar bar" dep túsindirdi ol sársenbide Qytaı tóraǵasy Sı Szınpınmen eki saǵat sóıleskenin aıtyp.

"Sender bilesińder, eger biz qozǵalmasaq, olar bizdiń túski asty tartyp jeıtin bolady" dedi Baıden Qorshaǵan orta jáne qoǵamdyq jumystar komıtetiniń múshelerimen kezdesýden keıin.

Ótken aptada Baıden Memlekettik departamentte sóılegen sózinde Beıjińge qarsy turý úshin odaqtastarmen tyǵyz jumys isteıtinin aıtty.

AQSH prezıdenti "Biz Qytaıdyń ekonomıkalyq ereje buzýshylyqtaryna qarsy turamyz" dedi jáne Beıjińdi Amerıkanyń "eń mańyzdy básekelesi" dep sıpattady.