Tesla kompanıasynyń bas dırektory Ilon Mask Reseı prezıdenti Vladımır Pýtındi Clubhouse aýdıo-chat qosymshasynda áńgimelesýge shaqyrdy. Mask óziniń súıikti áleýmettik jelisi Twitter-de Reseı prezıdentin belgilep, suhbattasý úshin Clubhouse-qa qosylýǵa qalaı qaraıtynyn surady.

"Sizben sóılesý úlken mártebe bolar edi" dep orys tilinde jazdy Mask.

Mask sońǵy eki aptada Clubhouse-ty belsendi qoldanyp keledi. Onda tanymal adamdarmen suhbattasý bolady.

Mask alǵash ret Clubhouse-ta óziniń Bıtkoınge degen qyzyǵýshylyǵy týraly aıtyp, keıinirek bul oıyn Tvıtterde jarıalady. Sodan keıin krıptovalútanyń naryqtyq quny ósti.

Mask Clubhouse qosymshasyn jańadan iske qosý kezinde suhbat berdi. Onda mıllıarderdiń ártúrli taqyryptar týraly pikirin tyńdaý úshin shamamen 5000 adam jınaldy. Mask Marsta qala salý josparynan bastap, Dogecoin krıptovaıýtasy bolashaq álemdik valútaǵa aınalýy múmkindigi týraly jáne qor naryǵy jaıynda kóptegen nárseler aıtty.

Clubhouse-ti kásipker, Google-diń burynǵy ınjeneri Pol Devıso jasaǵan. Qazirgi ýaqytta qosymsha beta-nusqasynda jáne ony Apple App Store arqyly júkteýge bolady. Degenmen, qazirshe Clubhouse qosymshasy Android qoldanýshylary úshin qol jetimdi emes. Baǵdarlamaǵa reper Dreık, akter Djared Leto, Twitter bas dırektory Djek Dorsı, Opra sıaqty tanymal adamdar qosylyp úlgergen.