Partıalarǵa memleket esebinen kóp ári esh paıdasyz aqsha jumsalyp jatqanyn qazaqstandyqtarǵa kórsetý úshin erinbeı, arnaıy eseptegish-saıt jasatqyzdym. Endi www.parasites.kz (parazıtter) arqyly árbir partıaǵa sekýnd saıyn memleketten qansha qarajat bólinip jatqanyn kórýge bolady, deıdi Sanzhar Bokayev.

Bar-joǵy 1,5 aıdyń ishinde partıalarǵa 1 mıllıard teńgeden astam qarajat bólinedi. Onyń ishinde, Nur Otanǵa búdjetten bir kúnde 18 mıllıon teńgege jýyq aqsha aýdarylady. Túsinikti bolý úshin aıta keteıin, bul - kún saıyn bir bólmeli páter satyp alýmen teń. Siz ben biz tóleıtin salyqtardan Aq jol aı saıyn 84 mıllıon nemese kún saıyn 2,8 mıllıon teńge alyp otyrady. Dál osyndaı qarajat Halyq partıasynyń da esepshotyna túsedi. Qandaı bıznes osyndaı “keshpen” maqtana alady? Al eń bastysy, nátıje qaıda? Mine, sondyqtan men partıalardan aıqyndyq pen tıimdilikti talap etýge quqylymyn! Bizdiń árbirimiz olarǵa talapshyl bolýymyz kerek. Jyl sońynda osy eseptegish shamamen 9 mıllıard teńgeni kórsetedi. Bizdiń elimiz mundaı qarajatty barlyq qazaqstandyq áskerdi tamaqtandyrýǵa jumsaıdy.

Áskerı qyzmetkerlerdi tamaqtandyrý qajet! Olar elimizdi qorǵaıdy. Al munsha aqshany saıası partıalar qaıda jumsaıdy? Saıası partıalar biz tólegen salyqtardyń esebinen qamtamasyz etilmeýi kerek dep esepteımin. Olar memleketimizdiń jáne qoǵamymyzdyń ón boıyndaǵy zıankester sekildi. Jumys istesin, halyqtyń atynan sóz sóıleýge óz quqyqtaryn dáleldesin, múshelik jarnalardyń esebinen ómir súrsin. Bul meniń keri sheginbeıtin, nyq senimdi ustanymym!

P.S. Nur Otan partıasymen bólisetin bir ıdeıam bar. Eger Nur Otan baspanasyz kóp balaly jáne az qamtylǵan azamattardyń paıdasyna búdjettik qarajattan bas tartsa, jylyna 365 qazaqstandyq otbasyny jáne Parlamenttegi 5 jyl ishinde 1825 otbasyny baspanamen qamtýǵa bolady. Budan keıin partıanyń reıtıńi 80%-dan tómen bolmaıtynyna senemin. Qalǵan partıalarǵa eshqandaı usynysym joq, olardy partıa dep eseptemeımin. Qalaı sanalatyny sol jerle kórsetilgen, deıdi ol.

Aıta ketsek, Sanjar Boqaev buǵan deıin Almaty ákimdiginiń ishki saıasat basqarmasynda, jastar saıasaty basqarmasynda bastyq bolǵan.

"Nur Otan" partıasynyń Almaty qalalyq fılıalynda tóraǵa orynbasary bolǵan. Ózi Almatynyń týmasy, "saıasattaný" salasynda AQSH-ta, Máskeýde bilim alǵan.

zakon.kz