Ilon Masktyń SpaceX kompanıasy ótken aptada kapıtal jınaǵannan keıin 74 mıllıard dollarǵa baǵalandy. Kóptegen ınvestorlar SpaceX-tyń  eki jobasy  kompanıany baǵalaýdy odan da joǵary kóteredi dep senedi. Sondyqtan bolashaqtaǵy aksıalarǵa degen suranystyń kóbeıetini kútilýde.

Kompanıa 2020 jyldyń tamyzyndaǵy qarjy jınaý kezinde 46 mıllıard dollarǵa baǵalanǵan. Al, osy joly "SpaceX aqsha jınaýdyń sońǵy kezeńindegi úsh kúnniń ishinde ınvestorlardan 6 mıllıard dollar usynys aldy" dep habarlady CNBC basylymy.

–SpaceX kompanıasynyń "Starship" jáne "Starlink" jobalary ınvestorlardy qyzyqtyryp otyr,– dep túsindirdi "Quilty Analytics"-tyń negizin qalaýshy Krıs Kýıltı. "Quilty Analytics"–ınvestısıalyq fırma jáne spýtnıktik baılanys sektoryna baǵyttalǵan zertteý júrgizedi. Krıs Kýıltı SpaceX-tyń eki jobasyn "paralel eki Manhetten jobasy" dep sıpattady.

Ilon Masktyń kompanıasy "Starship" dep atalatyn ǵarysh kemesin damytyp jatyr. Bul tipti qazirge deıingi eń iri ǵarysh kemesi.

Al, "Starlink" jobasy bul myńdaǵan jasandyserikterden turatyn ǵalamdyq spýtnıktik jeli. SpaceX kompanıasy tutynýshylarǵa joǵary jyldamdyqty ınternetti jetkizý úshin osy jabany qoldana bastady.

Ýoll-Strıttiń sarapshylary jáne salalyq taldaýshylar osy aptada "Starship" jáne "Starlink" baǵdarlamalarynyń joǵary baǵalanýyn jáne oǵan qatysty pozıtıvty damýdy túsindirdi.

–Bul baǵalaý SpaceX bolashaqta qandaı jetistikterge jete alatyndyǵy týraly kózqarasqa negizdelgen.Olardyń baǵasy óte joǵary, óıtkeni komersıalyq iske qosý naryǵy ondaǵan nemese júzdegen mıllıard emes, mıllıardtaǵan dollarmen ólshenedi, sondyqtan siz Starlink-ke de nazar aýdarýyńyz kerek,– dedi "Bryce Space & Technology" kompanıasynyń bas dırektory Karıssa Krıstensen.

Keıbir nvestorlar 74 mıllıard dollarlyq baǵany óte joǵary dep oılasa da, "Ark Invest" sarapshysy Sem Korýs SpaceX kompanıasy trıllıon dollarlyq kompanıaǵa aınalýy múmkin dep oılaıdy.

–Men ǵarysh salasynda SpaceX-tiń ınovasıalyq qarqynymen damyp jatqan eshqandaı kompanıany bilmeımin,– deıdi Korýs.

Aıta keteıik, ótken jyly Ilon Masktyń ǵarysh kompanıasynyń eki esege qymbattaýy múmkin ekeni habarlanǵan.