Qytaıydaǵy etnıkalyq qazaqtar men uıǵyrlarǵa qatysty zań buzýshylyqtar týraly habarlamalardy tergeý úshin Ulybrıtanıa dúısenbide Birikken Ulttar Uıymyna "shuǵyl jáne shekteýsiz" Shyńjańǵa kirýge ruqsat berýge shaqyrady.

Ulybrıtanıanyń cyrtqy ister mınıstri Domınık Raab Shyńjańdaǵy zańsyzdyqtar, onyń ishinde azaptaý, májbúrli jumys jáne áıelderge jynystyq zorlyq týraly habarlamalarǵa silteme jasady. "Olar ónerkásiptik deńgeıde bolyp jatyr" deıdi ol.

–Birikken Ulttar Uıymynyń Adam quqyqtary jónindegi Joǵarǵy Komısary nemese basqa táýelsiz faktilerdi anyqtaýshy sarapshylar Shyńjańǵa shuǵyl jáne shekteýsiz qol jetkizý tıis,– deıdi Raab .

BUU Shyńjańda kem degende 1 mıllıonnan astam qazaq, uıǵyr jáne basqa da az ulttardyń ustalyp, lagerlerge qamalǵanyn habarlady. Al, Beıjiń ekstremızmdi joıý úshin jáne azamattarǵa jańa daǵdylar úıretý úshin "kásiptik oqytý ortalyqtary" dep sıpattaıtyn keshender qurǵanyn aıtady.