"AQSH prezıdenti Djo Baıden Vladımır Pýtındi kıller dep sanaıtynyn málimdegen soń, Reseı óziniń AQSH-taǵy elshisi Anatolıı Antonovty keri shaqyrdy" dep jazdy brıtanıalyq The Independent basylymy.

Sońǵy kezderi Máskeý men Vashıngton arasyndaǵy qaıshylyq kúsheıip keledi. Vashıngton 2020 jylǵy AQSH prezıdent saılaýyna Máskeýdiń aralasqany týraly kúdikti qupıa aqparattar bar ekenin habarlaǵan.

Sonymen qatar, Vashıngton Reseı oppozısıoneri Alekseı Navalnyıdyń ýlanýyna Pýtındi aıyptaıdy.

Seısenbi kúni Djo Baıden Vladımır Pýtındi "kıller" dep ataǵanynan keıin eki eldiń arasyndaǵy shıelenis tipti de kúsheıe túskeni baıqaldy. 

The Independent basylymy sońǵy oqıǵadan keıin Reseı Amerıkadaǵy elshisin "keńes alý úshin" keri shaqyrdy dep habarlady.