Izraıl men HAMAS eki kún ishinde atysty toqtatý týraly kelisimge qol jetkizýi múmkin. Bul týraly kelissózdermen tanys ızraıldik sheneýnik jáne esepti rastaǵan taǵy eki adam málimdedi.

Atysty toqtatý kezeń-kezeńimen júzege asady dep kútilýde. "Kelisim boıynsha, aldymen Izraıl HAMAS-tyń ınfraqurylymy men nysandaryna shabýyldardy toqtatpaq, sondaı-aq Izraıl HAMAS-tyń joǵary laýazymdy múshelerin óltirý áreketterin toqtatpaq" deıdi resmı ókilder.

Aty-jónin atamaýdy ótingen sheneýnikterdiń aqparatyna sáıkes, HAMAS Izraıl qalalaryn zymyranmen atqylaýdy toqtatady. Izraıl HAMAS-tan Izraılge qaraı shabýyl týnelderin qazýdy jáne Gaza-Izraıl shekarasyndaǵy zorlyq-zombylyq demonstrasıalaryn toqtatýdy talap etip otyr. Aqparattar boıynsha, kelissózder áli júrip jatyr.

Kelisimge sáıkes, atysty toqtatý kúshine engennen keıin, HAMAS-taǵy eki sarbazdyń jáne Izraıldiń eki beıbit turǵynynyń máıitin qaıtarý kózdelgen. Sheneýnikterdiń aıtýynsha, Izraıl taýarlar men qarajattyń Gazaǵa ótýine múmkindik beredi.