Vashıngton Máskeýge sanksıalar salýdy jalǵastyryp jatqan kezde Reseı ulttyq qorynan AQSH dollaryn qysqartatynyn habarlady.

Bul qadam týraly Sankt-Peterbýrgtegi Halyqaralyq ekonomıkalyq forýmda Reseı Qarjy mınıstri Anton Sılýanov málimdedi.

– Ortalyq bank sıaqty biz de ulttyq qordan dollar aktıvterimen ınvestısıalardy qysqartýǵa sheshim qabyldadyq, – dedi ol. 

Onyń ornyna eýro, qytaı ıýani jáne altyn aktıvterimen ınvestısıa salynady.

Ózgerister kelesi aıdyń ishinde bolady dep habarlandy.

Qordaǵy eýro aktıvteriniń úlesi 40%-dy, ıýán 30% jáne altyn 20%-dy quraıdy dep kútilýde. Sonymen qatar, japon ıenasy men brıtanıalyq fýnt 5% quraýy múmkin.

2020 jylǵy AQSH prezıdent saılaýyna aralasý, AQSH úkimeti men korporatıvti jelilerine jasalǵan úlken kıbershabýyl, Qyrymdy aneksıalaý jáne basyp alý jáne adam quqyǵyn buzý faktileri boıynsha Baıden ákimshiligi Máskeýge qarsy jańa sanksıalar engizgen. Degenmen, Reseı úkimeti barlyq aıyptaýlardy joqqa shyǵarady.