Soltústik Koreıanyń kóshbasshysy Kım Chen Yn Koreıanyń jumysshy partıasynyń plenarlyq májilisinde elde asharshylyq bolý múmkindigi týraly aıtty.

Onyń aıtýynsha, sý tasqyny saldarynan el aýyr azyq-túlik tapshylyǵyna tap bolýy múmkin. Bul týraly Soltústik Koreıanyń memlekettik KCNA jańalyqtar portaly habarlady.

– Halyqtyń azyq-túlik jaǵdaıy qazir qatty shıelenisip otyr, óıtkeni ótken jyly taıfýnnyń saldarynan agrarlyq sektor astyq óndirý josparyn oryndaı almady, – dedi Kım Jumysshylar partıasy ortalyq komıtetiniń otyrysy kezinde.

Soltústik Koreıa basshysy joǵary laýazymdy sheneýnikterdi problemadan shyǵý joldaryn izdeýge shaqyrdy.

1990 jyldary úlken ashtyq myńdaǵan soltústik koreıalyqtyń ómirin qıǵan.