Túrkıadaǵy orman órtine jaýapkershilikti  Túrkıada terrorlyq dep tanylǵan "Kúrdistan jumys partıasy" uıymy moınyna aldy, dep habarlady túrkıalyq Yeni safak basylymy.

Terrorlyq uıym ókilderi bul týraly áleýmettik jelide jarıalaǵan. Olar ózderiniń bul áreketin jergilikti bılikke qarsy jasalǵan is dep málimdedi. Qazir órtke baılanysty tergeý amaldary jalǵasyp jatyr.

Tártip saqshylary Manavgat qalasynda órtke qatysy bar delingen kúdiktini qolǵa túsirgen bolatyn. Alaıda onyń terrorlyq uıymmen baılanysy bar joǵy áli anyqtalǵan joq. 

Túrkıada ótken aıdyń sońynda bastalǵan tilsiz jaýdan 8 adam mert bolyp, 400-den astam turǵyn jaraqat aldy. Kýrortta demalyp jatqan týrıser qaýpsiz aımaqqa kóshirildi.

31 shildede Qazaqstan prezıdenti Qasym-Jomart Toqaev Túrkıadaǵy alapat órtke baılanysty Rejep Taıyp Erdoǵanǵa jedelhat joldar, túrik eline gýmanıtarlyq kómek kórsetýge daıyn ekenin aıtqan.