Bokstan Tokıo olımpıadasynyń jartylaı fınalyna ótken Sáken Bıbosynov búgingi jekpe-jegi aýyr ótkenin aıtty, dep habarlady olympic.kz saıty.

– Jekpe-jek aýyr ótti. Birinshi raýntan basymdyq tanytqanymmen ekinshi raýndta qatelik jiberdim. Boıymnyń uzyndyǵyna qaramastan, qarsylasymdy ózine jaqyndatyp aldym. Negizi qarsylasym las judyryqtasady eken. Ekinshi raýndtan soń bapkerim namysymdy oıatyp, kelesi kezeńge jaqsy taktıka qoıyp berdi. Sol kisiniń aıtqandaryn túgel oryndadym. Endi aldaǵy qarsylasym da ońaı emes, – dedi boksshy.

Osylaısha ol ulybrıtanıalyq boksshymen sparrıngtik kezdesýler ótkizgenin, biraq áli resmı túrde kezdespegenin atap ótti. Sáken Bıbosynov óz sózinde jeńiske jetý úshin bar kúshin salatynyn jetkizdi.

52 kelidegi jartylaı fınaldyq jekpe-jek 5 tamyz kúni ótedi. 

Tokıo-2020: Bokstan Sáken Bıbosynov jartylaı fınalǵa shyqty