Bokstan Tokıo olımpıadasynyń jartylaı fınalyna ótken Sáken Bıbosynov búgingi jekpe-jegi aýyr ótkenin aıtty, dep habarlady olympic.kz saıty.

– Jekpe-jek aýyr ótti. Birinshi raýndtan basymdyq tanytqanymmen ekinshi raýndta qatelik jiberdim. Boıymnyń uzyndyǵyna qaramastan, qarsylasymdy ózime jaqyndatyp aldym. Negizi qarsylasym las judyryqtasady eken. Ekinshi raýndtan soń bapkerim namysymdy oıatyp, kelesi kezeńge jaqsy taktıka qoıyp berdi. Sol kisiniń aıtqandaryn túgel oryndadym. Endi aldaǵy qarsylasym da ońaı emes, – dedi boksshy.

Ol kelesi qarsylasy ulybrıtanıalyq boksshymen sparrıng kezdesýler ótkizgenin, biraq resmı túrde kezdespegenin aıtyp, aldaǵy jekpe-jekte jeńiske jetý úshin bar kúshin salatynyn jetkizdi.

52 kelidegi jartylaı fınaldyq jekpe-jek 5 tamyz kúni ótedi. 

Tokıo-2020: Bokstan Sáken Bıbosynov jartylaı fınalǵa shyqty