Facebook Reseıden júrgizilgen dezınformasıa naýqandaryna qatysqan júzdegen akkaýntty óshirdi.

Kompanıa akkaýnttar jelisiniń Úndistanǵa, Latyn Amerıkasyna, AQSH-qa jáne basqa aımaqtarǵa baǵyttalǵanyn aıtty.

"Olar halyqtyń Kovıd-19 vaksınalaryna degen senimin tómendetý úshin jalǵan málimdemeler taratýǵa tyrysty" dep málimdedi Facebook ókilderi.

Facebook reseılik kompanıalar men jalǵan aqparat taratý naýqandary arasyndaǵy baılanysty tapqanyn jarıalady. Facebook sonymen qatar "AdNow" dep atalatyn reseılik kompanıanyń quramyna kiretin "Fazze" marketıńtik agenttigi jalǵan aqparatqa qatysty ekenin aıtty.

Ótken aıda BBC aǵymdaǵy jyldyń mamyrynda reseılik "Fazze" agenttigi "Pfizer" vaksınasy týraly jalǵan málimdemeler taratý úshin yqpaldy blogerlerge aqsha usynǵanyn habarlady.