Ulybrıtanıa áıelderge, qyzdarǵa, dinı jáne basqa da azshylyqtarǵa basymdyq beretin jańa qonys aýdarý baǵdarlamasy boıynsha 20 myńǵa jýyq aýǵandyqty qabyldaıtynyn málimdedi.
Taıms gazeti "adam quqyqtaryn buzý jáne Talıban tarapynan adamgershilikke jatpaıtyn qaýipter tóngen adamdarǵa" baǵyttalǵan arnaıy sqema arqyly Ulybrıtanıa bosqyndarǵa qaýipsiz jáne zańdy jol usynatynyn habarlady. Ulybrıtanıaǵa birinshi jyly shamamen 5000 adam keledi dep kútilýde.
Ulybrıtanıa premer-mınıstri Borıs Djonson sońǵy 20 jyl ishinde Aýǵanstandy jaqsartý úshin áriptes bolyp jumys istegenderdiń barlyǵyna rızashylyq bildirdi. Sondaı-aq ol ásirese áıelder qazir kómekke asa zárý ekenin aıtty.
Aǵylshyn parlamenti sársenbide Aýǵanstandaǵy jaǵdaıdy talqylamaq.
Ulybrıtanıa ishki ister mınıstri Prıtı Patel "Ult retinde biz Aýǵanstannan qashyp bara jatqan eń osal toptarǵa qoldaý kórsetý úshin qoldan kelgenniń barlyǵyn jasaıtyndyǵymyzǵa senimdimin" dedi.
