Talıban áskeri AQSH sońǵy 20 jyl ishinde Aýǵanstan qarýly kúshterine bergen qarý-jaraq, tehnıkalar men oq-dárilerdi tárkiledi. Bul týraly Reuters agenttigi habarlady.
AQSH BAQ-tarynyń aqparaty boıynsha, Talıban ustaǵan tehnıkanyń ishinde Black Hawk tikushaqtary men A-29 Super Tucano shabýyl ushaqtary bar. Áleýmettik jelilerde M4 jáne M16 vıntovkalary, sondaı-aq Amerıkada jasalǵan Humvees mashınalary beınelengen sýretter kezdesedi.
Mamandar bul ushaqtardy tájirıbesiz paıdalanala almaıtynyn aıtqanymen qaýip tóndirýi múmkin ekenin de joqqa shyǵarmaıdy.
Shamamen bir aı buryn Aýǵanstan Qorǵanys mınıstrligi áleýmettik jelilerde AQSH Kabýlǵa jetkizgen 7 jańa tikushaqtyń sýretterin jarıalaǵan. Biraq Talıban birneshe apta ishinde eldiń kóp bóligin jaýlap, aýǵan áskeri qaldyrǵan barlyq qarý-jaraq pen tehnıkany basyp alǵan.
"Joıylmaǵan tehnıkanyń bári qazir Talıbanǵa tıesili" dedi amerıkalyqtar Reuters agenttigine bergen aqparatynda.
Pikir qaldyrý