Shymkenttegi atqa minerler ıt pen mysyqty jerleýge arnalǵan molany zańdastyrmaqshy. Bul týraly «Qamshy» portaly KTK arnasyna silteme jasaı otyryp habarlaıdy. Osydan 9 jyl buryn alǵash  ret tórtaıaqty  jerge «arýlap» kómilip, búgingi tańda  tutastaı qorymǵa aınalǵan aımaq bar. Ol jerge janýarlaryn jerleý rásimimen kómetinder jyl ótken saıyn artyp keledi.

Shymkenttiń  syrtyndaǵy adamdar zıratymen qatarlas ornalasqan haıýanattar qorymynda qazir 100-ge tarta janýar kómilgen eken .

 Ol  beıitte ıt pen mysyq, tipti atjalman men egeýquıryqtyń múrdeleri jatyr. Haıýandardy ana dúnıege saltanatpen shyǵaryp salý, olardyń basyna eskertkish qoıý biz úshin jetistik pe álde keri ketýshilik pe? Bir kúni ıt pen mysyǵynyń janazasyn shyǵartý úshin ımam izdep júrgen qazaqty keziktirmesek bolǵany. Imam izdegendi qaıdam, biraq Shymkent qalasy turǵynúı-kommýnaldyq sharýashylyq bólimi basshysynyń orynbasary Erlan Esirkepov : “Qazir janýarlarǵa arnalǵan molanyń qujattary joq. Biraq, biz zańdastyrý máselesin qarap jatyrmyz. Múmkin kelesi jyly janýarlarǵa arnalǵan qorymdy rásimdep te beremiz dep oılaımyn”,-dep túsinikteme beripti.