Mekke mańynda qaza tapqandardyń sany 2 myńǵa jetti. Bul týraly «Qamshy» portaly  RIA Novostı saıtyna silteme jasaı otyryp habarlaıdy. Irandyqtardyń  qajylyq saparyn uıymdastyrý uıymynyń jetekshisi Saıd Ohadı Saýd Arabıasyndaǵy derekkózderge silteme jasaı otyryp, Press TV telearnasyna osy týraly habar taratqan. Sonymen qatar, Irannyń bas múftıi Álı Hameneı qaıǵyly oqıǵaǵa Saýd Arabıasynyń bıliginiń "salaqtyǵy" men "qate áreketteri" sebep bolǵanyn ashyq málimdedi.

Saýd Arabıasynyń  resmı málimetterinde 717 adam qaza taýyp, kem degende 863 adam jaraqat aldy dep aqparat taraǵan edi. Óz kezeginde Irannyń Joǵarǵy lıderiniń ókili Hodjatoleslam Seıed Álı Gazı-Askar Mekke mańynda adamdardyń qysylýynan Irannan barǵan 365 adamnyń iz-tússiz joǵalǵanyn málimdep otyr. Buǵan deıin ol Irannan barǵan 131 musylmannyń qaza bolǵanyn habarlaǵan edi.  Iran bıligi tótenshe jaǵdaıdan qaza bolǵandardy eske alý úshin tórt kúnge qaraly kún jarıalady.

 «Qamshy» silteıdi