Sońǵy onjyldyqtarda myńdaǵan adam nópir halyqtyń aıaq astyna taptalyp, ajal qushqany ras. Olardyń basym kópshiligi túrli dinı meıramdardyń kezinde oryn alǵan. Osyndaı qandy meıramdardyń birsypyrasyn «Qamshy» portaly nazarlaryńyzǵa usynady.
1.Mekke. Saýd Arabıa. 2015 jyldyń 24-qyrkúıegi.
Musylmandardyń qasıetti orny Mına jazyǵyndaǵy qajylyq rásimi kezinde 700-den astam adam qaza tapqan. Sonymen qatar, 200-den astam qajy aýrýhanaǵa jetkizilgen. Resmı derekterde olardyń 66-sy áıelder dep kórsetilgen. (sýret 1)
2.Kerala. Úndistan. 2011 jyldyń 14-qańtary.
Úndisterdiń Sabarımale dinı rásimi kezinde 102 adam taptalyp, qaza bolǵan. Bul dinı rásimge jyl saıyn 50 mıllıon adam qatysady. (sýret 2)
3.Pnompen, Kambodja. 2010 jyldyń 22 qarashasy.
Jergilikti halyqtyń jyl saıynǵy sý merekesi kezinde Tonlesal ózenindegi kópirde nópir astynda 375 adam qalyp qoıǵan. (sýret 3)
4.Radjastan. Úndistan. 2008 jyldyń 30-qyrkúıegi.
Radjastannyń Djohopýr taýyndaǵy ǵıbadathanada Shaktı Devı rásimi kezinde 25 myń adamnyń aıaǵynyń astyna 220 táýapshy qaza bolǵan. (sýret 4)
5.Hımachal-Pradash. Úndistan. 2008 jyldyń 3-tamyzy.
Naına Devı ǵıbadathanasynda 140-tan astam adam aıaq astynda ezilip, ólim qushqan. (sýret 5)
6.Mına. Saýd Arabıa. 2006 jyldyń 12-qańtary.
Qajylyq sapary kezinde 450 adam Jamarat kópirinde ajal qushqan.(sýret 6)
7.Baǵdat. Irak. 2005 jyldyń 31-tamyzy.
Imam Mýsa ál-Qazımaǵa taýap etýge jınalǵan 1000-nan astam shııt musylmandary Tıgr ózenine batyp, jartysy taptalyp ólgen. Qaza tapqandardyń basym kópshiligi áıelder men balalar bolǵan. (sýret 7)
8.Maharashtra. Úndistan. 2005 jyldyń 25- qańtary.
Ratangarh qalasy mańyndaǵy Mandýla Devı ǵıbadathanasynda 300-den astam Dýrga Pýrdja meıramynda halyq aıaq astany taptalyp, qaza tapqan. (sýret 8)
9.Mına. Saýd Arabıa. 2004 jyldyń 1-aqpany.
Shaıtan qabyrǵasyna tas laqtyrý rásimi kezinde 250-den astam qajyny nópir halyq taptap ketken.(sýret 9)
10.Akkra. Gana. 2001 jyldyń 1-mamyry.
Akkra qalasyndaǵy stadıonynda jergilikti Accra Hearts of Oak jáne Asante Kotoko fýtbol komandalary arasyndaǵy oıyn kezinde 126 adam yǵy-jyǵy halyqtyń aıaǵynyń astyna taptalyp qalǵan. (sýret 10)
11.Mına. Saýd Arabıa. 1998 jyldyń 9-sáýiri.
Shaıtan qabyrǵasyna tas laqtyrý rásimi kezinde 120 qajyny nópir halyq taptap ketken jáne 180 qajy aýrýhanaǵa túsken.( sýret 11)
12.Mekke. Saýd Arabıa. 1990 jyldyń 2-shildesi.
Kezekti qajylyq kezinde 1426 adam taptalyp, qaza tapqan.
Nurzat Toǵjan
Dereksózi: VVS agenttigi
