Japonıa, AQSH jáne Ońtústik Koreıanyń jetekshi ıadrolyq ókilderi Tokıoda Soltústik Koreıanyń zymyrandyq jáne ıadrolyq baǵdarlamalaryn talqylaý úshin kelissózder júrgizdi. Kelissóz Phenán jańa qashyqtyqqa ushatyn qanatty zymyrandy synaqtan ótkizgen soń bir kúnnen keıin boldy.

Soltústik Koreıadaǵy memlekettik BAQ zymyrandy "strategıalyq" mańyzdy qarý dep sıpattaǵan. Al sarapshylar qarýdyń ıadrolyq qýaty bolýy múmkin ekenin aıtady.

Japon ókili Takehıro Fýnakoshım, Ońtústik koreıalyq áriptesi No Kú jáne Vashıngton tarapy Soltústik Koreıa máselelerin sheshý úshin dıplomatıaǵa ashyq ekenin aıtty.

Aq úı Phenánnyń jaqyndaǵy zymyran synaǵyna qaramastan AQSH-tyń  kelissóz júrgizýge daıyn ekenin málimdedi.

AQSH prezıdenti Djo Baıdenniń ákimshiligi mamyr aıynda Soltústik Koreıaǵa jańa kózqaras jarıalap, áli de ıadrolyq qarýsyrzdandyrýǵa tyrysatynyn, biraq Phenánǵa "úlken mámile" jasaýǵa daıyn emes ekenin aıtty.

Iadrolyq qarýsyzdandyrý týraly kelissózder 2019 jyldan beri toqtap qalǵan. Al Soltústik Koreıa sanksıalardy jeńildetýdi talap etti.

Phenán Vashıngtonnan Soltústik Koreıaǵa qatysty saıasat ózgerýiniń eshqandaı belgisin kórmegenin málimdegen.