Reseı prezıdenti Vladımır Pýtın aınalasyndaǵy adamdardan koronavırýs ınfeksıasy anyqtalǵannan keıin ózin-ózi oqshaýlaǵan. Bul týraly ol Tájikstan prezıdenti Emomalı Rahmonmen telefon arqyly sóıleskende aıtty.

Osyǵan baılanysty Reseı prezıdenti osy aptada Dýshanbede ujymdyq qaýipsizdik keńesiniń josparlanǵan sesıasyna, Shanhaı yntymaqtastyq uıymyna múshe memleketter basshylary keńesiniń otyrysyna beınekonferensıa arqyly qatysatyn boldy.

Sonymen qosa 13 qyrkúıekte ol Kremlde reseılik paralımpıada sportshylarymen áńgimelesý barasynda aınalasyndaǵylardyń kópshiligi COVID-19 aýrýymen aýyratynyn aıtyp, jaqyn arada ózi de oqshaýlanatynyn jasyrmady. 

– Bizdi qazir dárigerler qarap jatyr. Meniń ortamda kovıdpen aýyratyndar bar. Meniń oıymsha, men jaqyn arada oqshaýlanýym múmkin, – degen Reseı prezıdenti.