Aqtóbe oblysynyń ákimi Ońdasyn Orazalın aqtóbelik aqyn-jazýshylarmen - Jazýshylar odaǵynyń múshelerimen kezdesti.
«Sizdermen kezdesip turý dástúrge aınalǵanyna qýanyshtymyn. Sonyń arqasynda rýhanı-adamgershilik mádenıettiń damýyna qatysty ózekti suraqtar talqylanyp, sheshilýde, osy baǵytta kóptegen jobalar júzege asyryldy»,- dedi óńir basshysy sálemdesý sózinde.
Sońǵy jyldary óńir mádenıetine erekshe nazar aýdarylýda. Máselen, eki jyl qatarynan Aqtóbe oblysynda respýblıkalyq ádebı forým ótkizilip keledi, sondaı-aq, jeti ataýly stıpendıaǵa qosymsha 1 mln teńge kóleminde Ótejan Nurǵalıev, Bákir Tájibaev jáne Qajyǵalı Muhambetqalıev esimdi jazýshylar atyndaǵy taǵy úsh stıpendıany taǵaıyndaý josparlanyp otyr. Budan ózge, Aqtóbe óńiriniń fólklorlyq mýzykasynyń antologıasy shyqty, kitaphanalardyń materıaldyq-tehnıkalyq bazalaryn nyǵaıtý, olardyń qoryn molaıtý, jas jazýshylardyń kitaptaryn shyǵarý jumystary júrgizilýde.
«Byltyr qalamyzdyń ortalyǵynda uly oıshyl, aqyn Abaı Qunanbaevqa eskertkish turǵyzylǵan bolatyn, jyl sońyna deıin aqyn Tólegen Aıbergenovke, kompozıtor Shámshi Qaldaıaqovqa eskertkishter ornatylady, sonymen qatar, Alash qaıratkerlerine arnalǵan «Táýelsizdik aq tańy» memorıaldyq kesheni ashyldy.
Kezdesýge barlyǵy 16 adam shaqyryldy. Ońdasyn Orazalın olarǵa alǵys hattar men 160 myń teńge kóleminde aqshalaı syıaqy tabys etti.
Budan bólek, aqyn, «Adyrna» ádebı jýrnalynyń redaktory Meıirhan Aqdáýletke 70 jasqa tolýyna oraı quttyqtaý qaǵazy berildi.