Reseı prezıdenti Vladımır Pýtın Qazaqstan atom elektr stansıasyn salsa, kadr daıarlaý isine kómektesýge daıyn ekenin jetkizdi. Bul týraly RIA Novostı habarlady.
Vladımır Pýtın kórshileri men odaqtastarynyń, sonyń ishinde Qazaqstannyń atom energetıkasyn damytýǵa qatysty josparlaryn muqıat baqylap otyrǵanyn aıtty.
– Eger sizder atom elektr stansıasyn salý týraly sheshim qabyldaıtyn bolsańyzdar, Reseı qazaqstandyq seriktesterine ony turǵyzý jáne eksplýtasıalaý isine kómegin usynady. Atap aıtqanda, respýblıkada reseılik dızaındaǵy AES qurylysy jaıly sóz bolýy múmkin. Biraq ol ǵana emes. Bul jerde tutas bir sala qurý týraly sóz qozǵalyp otyr. Oǵan Reseıdiń joǵary oqý oryndarynda atom energetıkasyn paıdalanýmen baılanysty jańa kadrlar daıarlaý da kiredi, – dedi Pýtın Qazaqstan men Reseı prezıdentteri qatysyp jatqan XVII Óńiraralyq yntymaqtastyq forýmynda.
Onyń aıtýynsha, AES aýanyń lastanýyna az áser etedi, óıtkeni reseılik mamandar tıimdi gaz tazartý qurylǵylaryn ornatý arqyly tehnologıany jetildirip, atmosferaǵa zıandy zattardyń bólinýin barynsha azaıtýǵa qol jetkizip jatyr.
Pikir qaldyrý