Reseı shekara qyzmeti júk kólikteriniń tehnologıalyq ótýin qamtamasyz etý úshin jańa talaptar engizdi. Bul týraly prezıdent Qasym-Jomart Toqaev málimdedi.

– Júrgizýshilerdi júkti dál tekserý aımaǵyna túsirýge májbúrleıdi, bul kóp jaǵdaıda júktiń buzylýyna ákeledi. Tasymaldaýshylar avtokólikterdiń tek úshten ekisin ǵana toltyrýǵa májbúr. Mysaly, "Gazelderde" 8 tonnanyń ornyna endi 4-ten 6 tonnaǵa deıin tutyný taýarlary tıeledi. Aýyr júk kólikteri endi 30-40 tonnanyń ornyna 15-20 tonna taýar tasymaldap júr. Sonyń saldarynan kólik shyǵyny ulǵaıyp, taýar baǵasy ósýde, – dedi Toqaev.

Toqaev memlekettik shekaranyń qaýipsizdigin qamtamasyz etý ár eldiń basty mindeti ekenin jáne Qazaqstan qaýipsizdik sharalaryna túsinistikpen qaraıtynyn aıtty.

Oqı otyryńyz: Pýtın: Qazaqstan AES salý týraly sheshim qabyldasa, biz kómektesýge daıynbyz