1-qyrkúıek-«Bilim kúni» merekesi barlyq mektepterde saltanatty túrde ótip, alǵashqy qońyraý úni syńǵyrlady. Aýdan ákimi «Bilim kúni» merekesimen quttyqtaý úshin atbasyn Sh.Qaldaıaqov atyndaǵy mektep-gımnazıasyna burdy. Elimizdiń Ánuranymen bastalǵan saltanatty jıynǵa QR-nyń Týy men mektep -gımnazıanyń týy ákelindi. Ótkendi saralap, bolashaqqa barlaý jasaý maqsatynda sóz alǵan atalǵan bilim ordasynyń basshysy H.Qylyshbaeva baıandama jasap, ustazdar men oqýshylardy búgingi merekelerimen shyn júrekten quttyqtady. Merekege arnaıy kelgen aýdan ákimi S.Polatov shákirtter men jıylǵan kópshilikti bilim salasyndaǵy sońǵy ózgeristermen tanystyryp, óziniń júrekjardy tilekterin jetkizidi. Saltanat ústinde qurmetti qonaqtar, ardager ustazdar, úzdik oqýshylar mektep tabaldyryǵyn jańadan attaǵan 1-synyp oqýshylaryna Elbasymyz N.Á.Nazarbaevtyń «Meniń Otanym-Qazaqstan» atty kitabyn syıǵa tartty. Bilikti ustaz A.Meıirmanova jetekshilik etetin 1-synyp búldirshinderi taqpaqtaryn aıtsa, 11-synyp oqýshysy Qarshyǵa Áljan ystyq lebizin bildirip, óziniń qurby-qurdastaryn bilimdi bolýǵa shaqyrady. Jańa oqý jylyndaǵy alǵashqy qońyraý soǵý qurmetine 1-synyp oqýshysy Qaraqat Bazarbek pen 11-synyp oqýshysy Serikbaı Ábdihan ıe boldy. Mektep ómirindegi erekshe jıyn saltanatty jaǵdaıda jabylyp, oqýshylar bir-birimen qaýyshyp, synyptaryna saǵynysh sezimmen qadam basty. * * * «Bilim kúni» merekesin Jambyl atyndaǵy mektep-lıseıiniń ujymy da saltanatty jaǵdaıda atap ótti. Alǵashqy sózdi mektep-lıseıdiń dırektory T.Sársenbaev alyp, ótken oqý jylyndaǵy jetken jetistikterge toqtala kele, aldaǵy ýaqytta osy turǵydan taımaı jumys jasaý kerektigin tilge tıek etti. Merekelik jıynda sóz alǵan aýdan ákimi S.Polatov, Sháýildir aýyldyq Ardagerler keńesiniń jáne mekteptegi Ata-analar komıtetiniń tóraǵasy M.Temirbekovter jyly lebizderin bildirip, oqýshylarǵa oqýda ozat bolýlaryn tiledi. Úzdik oqýshylar atynan 11-synyp oqýshysy Sabına Júni-sova sóz alyp, «Bilim kúni» merkesimen saltanatqa qatysýshy qaýymdy quttyqtady. Jıyn barysynda áýelegen ánder shyrqalyp, 1-synyp búldirshinderi óleń-jyrdan shashý shashty. Shattyqtyń únindeı máńgilik, Soǵylsyn, qońyraý soǵylsyn. Qýanysh ánindeı jańǵyryp, Júrekter aq nurǵa shomylsyn,- dep aqyn jyrlaǵandaı, alǵashqy qońyraý soǵylyp, oqýshylar qýanyshty júzde synyptaryna bet aldy. * * * Memleket jáne qoǵam qaıratkeri Ózbekáli Jánibekov atyndaǵy jalpy orta lıseı-ınternatynda alǵashqy qońyraý soǵyldy. Muntazdaı tap-taza kıingen oqýshylar sap túzep, mektep aldyna jınalǵan soń lıseı-ınternat dırektory Ádilhan Áripbekov baıandama jasap, jańa oqý jylymen quttyqtady. Qurmetti qonaqtar arasynda Sháýildir aýyl okrýgi ákimdiginiń bas mamany S.Aıjaryqov, ulaǵatty ustaz, zeınetker A.Ordabaev, jeke kásipker A.Asanov, Ózbekáli Jánibekov atyndaǵy murajaı dırektory T.Ábikeev jáne osy joldardyń avtory qatysty. Aýdandyq Bilim bóliminiń basshysy J.Musataeva: -Bıylǵy oqý jyly erekshe serpilispen, erekshe tanymdyq tárbıemen bastalǵaly tur. «Máńgilik El» ulttyq ıdeıasy kontek-sinde «100 naqty qadam» Ult josparyn bilim berý úrdisine engizý maqsatynda arnaıy ádistemelik usynystar ázirlenip jatyr.Bul oqýshylardyń jan-jaqty saýatty bolýyna, óz eliniń patrıoty, damyǵan tulǵa bolyp shyǵýyna negiz bolady. Búgin tuńǵysh ret mektep tabaldyryǵyn attaǵan búldirshinderge sabaqta alǵyr, qoǵamdyq jumystarda belsendi bolýlaryńa tilektespin,-dep sózin túıindedi. Jıyn kezinde ánder shyrqalyp, taqpaqtar aıtyldy. Saltanatty jıyn sońynda memlekettik Ánurannyń áýenine qosylǵan oqýshylardyń qýanysh-tarynda shek bolmady. Tópen ÁMİRBEK. Sholpan DÚTBAEVA. Raıhan DODABAEVA.  Altyn kúzdiń alǵashqy kúninde keń kólemde atap ótiletin «Bilim kúni» merekesi, jańa oqý jylynyń bastalýy bizdiń «Kókmardan» jalpy orta mektebinde de saltanatty jaǵdaıda atap ótildi. Mekteptiń 11-synybynyń oqýshylary re¬tinde úlken úmittermen qadam basyp otyrǵan Qazyna Mahanbet pen Baq¬tıar Momyndardyń sheber júrgizýlerimen ótkizilgen saltanatta bıylǵy tý ustaý qurmetine Syrym Turlybek, Aıdana Álmahan men Aqtolqyn Mahanovalar ıe bolsa, bilim ordasynyń bilikti basshysy Ǵanı Ámetbekov ótken oqý jylyndaǵy jetistikterdi, aldaǵy aýqymdy mindetterdi áserli áńgimesine arqaý etti. Áýelegen án men myń burala bılegen bılermen jınalǵan jurtshylyqty baýrap alǵan «Bilim kúni» merekesinde aýdandyq Bilim bóliminiń jaýapty qyzmetkeri Serǵazy Yrysbaı, Talapty aýyl ok¬rýginiń ákimi Qambarhan Serjanov, mektepke árdaıym demeýshilik jasap júretin ımandy aza¬mat, aýdandyq Máslıhattyń depýtaty Quttybek Nurqulov pen aýyldyń abyroıly qarıalary, aýda¬nymyzdyń Qurmetti azamattary Nurmahan Tas¬bo¬latov, Abylaı Beısenbıev aǵalarymyz ózderiniń júrekjardy ystyq lebizderin ortaǵa salyp, us¬tazdar men shákirtterge jańa oqý jylynda da ta¬bystarǵa jete berińizder degen tilekterin bil¬diristi. Barlyq jarasymdy sán-saltanatymen atalyp ótilgen qýanyshty merekede 11-synyptyń úzdik oqý¬shylary Nursáýlet Baıkenje, Saltanat Janádil men Teńgesh Kósherbaılarmen birge 1-synypta sa¬paly bilim, sanaly tálim-tárbıe alý jolynda mektep esigin ashyp otyrǵan Sanjar Zulqarnaı, Zere Nuran jáne Aıbek Qoshqarbaılar jańa oqý jy¬lyndaǵy alǵashqy qońyraý soǵý saltanatynda merekege kelgen qonaqtar men ustazdaryn qýanyshqa keneltti. Ustaz retinde jańa oqý jylynda tyń tabystarǵa jete berý jolynda áriptesterim men shákirtterime sáttilikter tileı beremin. Perızat QUTTYBAEVA, «Kókmardan» jalpy orta mektebi qazaq tili men ádebıeti pániniń muǵalimi.