Jańa oqý jyly jaqyndaǵanda respýblıka kóleminde «Mektepke jol» aksıasy dástúr boıynsha ótkizilip keledi. Bıyl da atalǵan aksıa aý-danymyzda óz dárejesinde ótti. Aýdandyq «Jastar saraıynda» ótken jıynǵa aýdan ákiminiń orynbasary P.Japparqulov bastaǵan ákimdiktiń derbes bólim basshylary, mektep dırektorlary, demeýshiler, ardagerler men túrli uıym qyzmetkerleri qatysty. Qamqorlyq aksıasynyń maqsaty-balalardyń jazǵy demalystan keıingi jańa oqý jylyn jaqsy kóńil-kúı, jańa qarqyn, bilimge degen qushtarlyǵy men asyǵa kútken altyn uıa mektebine saǵynysh sezimin uıalatý bolatyn. Jıyndy aýdan ákiminiń orynbasary P.Japparqulov ashyp, bul aksıa 1-qyrkúıek pen 30-qyrkúıekke deıin jalǵasyn tabatyndyǵyn jetkizip, alda kele jatqan «Bilim kúni» merekesimen quttyqtap, Jambyl atyndaǵy mektep-lıseıiniń oqýshysy Arýjan Qaltaıǵa mektepke qajetti kıimderi men oqý quraldaryn tabys etti. Bıyl atalǵan aksıanyń arqasynda aýdanymyzdaǵy az qamtylǵan kópbalaly otbasylarynan 196 bala oqýǵa qajetti kıim-keshekter men oqý quraldarymen qamtamasyz etildi. Aksıa sońy mektep oqýshylarynyń ázirlegen konserttik baǵdarlamasyna ulasyp, ıgi is-shara uıymdastyryp, demeýshilik kórsetken aǵa-apala-ryna sheksiz alǵys bildirgen oqýshylardyń júzine qýanysh uıalady.

Sh.QOJAN

 «Qamshy» silteıdi