Jýyrda 30 – tamyz Qazaqstan Respýblıkasy Konstıtýsıasy kúnine oraı Maqtaral aýdandyq ishki saıasat bólimi «Jastar ortalyǵy» komýnaldyq memlekettik mekemesi, aýdandyq bilim bólimi jáne «Jas Otan» jastar qanatynyń uıymdastyrýymen «Meniń Qazaqstanym! Meniń Astanam!» taqyrybynda asfáltqa sýret salý baıqaýy bolyp ótti.
Aýdanymyzda memlekettik jastar saıasatyn júzege asyrýǵa, jas urpaqty tarıhı – mádenı jáne rýhanı qundylyqtardy baǵalaýǵa, jastar arasynda daryndy sýretshilerdi anyqtaýǵa, jas sýretshilerdiń kásibı sheberligin arttyrýǵa, jas urpaqtyń oı - órisin keńeıtýge baǵyttalǵan is – shara Jetisaı qalasy Jeńis alańynda ótti. İs – sharaǵa qala, kentter men aýyldyq okrýg mektepterindegi oqýshylar qatysty.
Konstıtýsıa kúnine arnalǵan bul is – sharany aýdandyq ishki saıasat bólim basshysynyń mindetin ýaqytsha atqarýshy OmarEsenbekov jáne bilim bóliminiń ádiskeri Shyńǵysqan Tileýqabylov jarysty ashyp berip, kópshilikti 30 – tamyz Qazaqstan Respýblıkasy Konstıtýsıa kúnimen quttyqtap, baıqaýǵa qatysýshy jastarǵa sáttilik tiledi.
Úsh saǵatqa sozylǵan baıqaýdy uıymdastyrýshylar bekitken ádil qazylar baǵalap, qorytyndylady. Nátıjesinde İ – oryndy «Á.Moldaǵulova» jalpy orta mektebiniń oqýshysy Erdáýlet Gúlnaz ıelense, İİ – oryn «Saryarqa» mektebiniń oqýshysy Kerimqul Ardaqqa buıyrdy. Al, júldeli İİİ – oryndy «A.Baıtursynov» atyndaǵy jalpy orta mektebinen Igilik Begzat ıelendi. «Jas sýretshi» nomınasıasy «Qaınar» mektep – gımnazıasynyń oqýshysy Rýstem Merýertke berildi. Jeńimpazdar dıplomdar men baǵaly zattaı syılyqtarmen marapattaldy
Jastar ortalyǵynyń qyzmetkeri
Gúlnur Sultanova
«Qamshy» silteıdi