Qyz bala qaı halyqta bolmasyn ádemilik pen ádeptiliktiń, sulýlyq pen ińkárliktiń sımvoly. Halqymyz qyz psıhologıasy ereksheligin túsine bilgen. Otbasy, áke-sheshesi, aǵa-jeńgeleri, boıjetken qyzyn jibekteı minezimen, ýyzdaı tátti qylyǵymen, iskerlik-uqyptylyǵymen, sypaıy-salmaqtylyǵymen, ádepti-izettiligimen kórgisi kelgen. Olardy kishkentaıynan kózdiń qarashyǵyndaı saqtap, jany men arynyń taza, mineziniń jaısań bolýyn qadaǵalap otyrǵan, olardyń minezderiniń ózgertindigin eskere otyryp, «qyryq úıden tyıý» kerektigin únemi eskertip otyrǵan.

Osyǵan baılanysty Arys qalasynyń ishki saıasat bóliminiń uıymdastyrýymen Montaıtas aýyldyq okrýginiń B.Ontaev atyndaǵy jalpy orta mektebiniń akt zalynda «Aqyldy qyz – aýyl kórki» taqyryby aıasynda «Qyzǵa qyryq úıden tyıý» atty kezdesý ótti.

Kezdesýdi B.Ontaev atyndaǵy jalpy orta mekteptiń dırektory T.Balǵynbekov ashyp, júrgizip otyrdy. Kezdesýge qalalyq ishki saıasat bóliminiń bas mamany, Arys qalasy ákimdiginiń janyndaǵy áıelder isteri jáne otbasylyq-demografıalyq saıasat jónindegi komısıanyń hatshysy Sh.Nurtazaeva, «Ájeler alqasynyń» tóraıymy Ó.Elýbaev, B.Ontaev atyndaǵy jalpy orta mektebiniń qyzmetkerleri men joǵary synyptardyń oqýshy qyzdary, BAQ ókilderi qatysty.

Arys qalasy ákimdiginiń janyndaǵy áıelder isteri jáne otbasylyq-demografıalyq saıasat jónindegi komısıanyń hatshysy Sh.Nurtazaeva Qazaqstan Respýblıkasynda 2006-2016 jyldarǵa arnalǵan Genderlik teńdik strategıasy aıasynda maǵlumat berdi.

 «Ájeler alqasynyń» tóraıymy Ó.Elýbaeva «Qyzǵa qyryq úıden tyıý» taqyrybynda jáne B.Ontaev atyndaǵy jalpy orta mektebiniń medbıkesi Á.Isabekova  «Gıgıena jáne jynystyq damý» taqyrybynda baıandamalar jasady.

Kezdesý barysynda qatysýshylar tarapynan usynys-pikirler aıtylyp, tıisti jaýaptar berildi.

Arys qalasy ákiminiń baspasóz qyzmeti