Túrkistan qalasyndaǵy  №3 oblystyq perenıtaldy ortalyǵynda bir kúnde 30 sábı dúnıe esigin ashty. Osyǵan oraı, qala ákimi Á.Óserbaev perzenthanaǵa arnaıy baryp, dúnıege kelgen náreselerdiń analaryn quttyqtaǵan. Bul týraly «Qamshy» portaly Túrkistan qalalyq ákimshiliginiń apparatyn silteme jasaı otyryp habarlaıdy.

Qala ákimi aldymen Baqytjamal Mámbetovany Álınur esimdi uldy ómirge ákelgeni úshin quttyqtap, Álınurdyń elimizdiń erteńgi tutqasyn ustaıtyn úlken azamat bolýyna tilektestigin bildirip, jas anaǵa óziniń quttyqtaý hatyn tapsyryp, nárestege syı-sıapat jasady. Sonymen birge, shahar basshysynyń nusqaýymen qala ákiminiń orynbasarlary barlyq analarǵa syı-sıapat jasap, qurmet kórsetti.

Osy turǵyda 23 jastaǵy Baqytjamal Mámbetovamen tildeskenimizde ol ózinińtuńǵyshuly ekenin ómirge Álınur esimdi ulynyń salmaǵy 3 kg 200 gram bolyp týylǵanyn qýanyshpen jetkizdi.

- Búgingi ózderińiz kórip otyrǵandaı №3 oblystyq perenıtaldyq ortalyq Túrkistan qalasymen qatar, Kentaý, Sozaq, Otyrar aýdandaryna qyzmet kórsetedi. Byltyr bul perzenthanada 8200 náreste dúnıege keldi. Bıyl osy 6 aıdyń qorytyndysy boıynsha salystyrmaly túrde byltyrǵy İ-jartyjyldyq kórsetkishke jetip otyrmyz. Barlyǵynyń densaýlyqtary jaqsy.Búgin, erteńúılerine shyǵady. Byltyrǵy Astana kúninde 18 náreste dúnıge kelgen bolatyn. Osydan aq qalamyzda bala týý sany jyl sanap artyp keledi, - deıdi qalamyzdaǵy №3 oblystyq perenıtaldy ortalyǵynyń bas dárigeri Alma Ilásova.