Aqtóbe qalasyndaǵy qoǵamdyq kólik júrgizýshileriniń arasynda týberkýlezge shaldyqqandary bolǵan. Bul jaıynda oblystyq prokýratýranyń alqaly jıynynda aıtylǵan. «Qamshy» portaly Nur. kz-ke silteme jasaı otyryp habarlaıdy.

“Júrgizýshilerdiń kóbi kúnine jospardan qalyp ketken aqshany shyǵarý úshin 12-15  saǵat jumys istegen. Biz tekserý júrgizý úshin kóptegen mamandardy tarttyq. Mundaı júktememen jumys isteý júıke júıesine keri áserin tıgizip, sońy qaıǵyly oqıǵalarmen aıaqtalýy múmkin. Avtobýs júrgizýshileriniń arasynda týbdıspanser men narkodıspanserde tirkeýde turǵandary bar ekeni anyqtaldy. 52 júrgizýshiniń jolaýshylardy tasymaldaýǵa ruqsat beretin qujaty bolmaǵan. Reıd barysynda zańsyz taksı qyzmetimen aınalysqan 39 kólik anyqtalsa, júzge jýyq avtobýstyń tehnıkalyq baıqaýdan ótpegeni málim bolyp otyr”, – deıdi prokýror.