İshki aqsha aınalymynda 20 jáne 50 myń teńgelik kýpúralar paıda bolmaıdy.Ulttyq banki 20 jáne 50 myń teńgelik kýpúralardy aınalymǵa shyǵarý máselesin qarastyrǵan emes. Sondyqtan teńgeniń qunsyzdanýyna baılanysty jańa kýpúralar paıda bolady degen qaýesetke senýdiń qajeti joq. Bul týraly «Qamshy» portaly Nur. kz-ke silteme jasaı otyryp habarlaıdy.Qazaqstan Respýblıkasy Ulttyq banki jańa aqsha belgilerin shyǵarý týraly sheshimdi qolma-qol aqsha aınalymyndaǵy qajettilikke baılanysty qabyldaıdy. Qazirde qolda bar banknotalardyń naqty tizimi Qazaqstan Respýblıkasyndaǵy qolma-qol aqsha aınalymynyń qajettilikterin qanaǵattandyrýǵa tolyqtaı jetedi. Osyǵan baılanysty, qazirgi ýaqytta 20 000 jáne 50 000 teńgelik banknotany aınalymǵa shyǵarý josparda joq.