Japonıa hanshaıymy Mako kolejdegi súıiktisi Keı Komýroǵa turmysqa shyǵyp, óziniń koróldik mártebesinen aıyryldy.

Japon zańy boıynsha ımperatorlyq otbasynyń áıel músheleri "qarapaıym adamǵa" nekege turǵanda óz mártebesin joǵaltady. Alaıda ımperator áýletiniń er músheleri óz mártebesin joǵaltpaıdy.

Ol sondaı-aq koróldik úılený toıynyń rásimderin ótkizbegen ári ımperator otbasynan ketken kezde áıelderge usynylatyn tólemnen bas tartqan.

Ol patsha otbasyndaǵy bárinen bas tartqan alǵashqy áıel.

Erli-zaıyptylar úılengennen keıin AQSH-qa kóshedi dep kútilýde. Komýro AQSH-ta zańger bolyp jumys isteıdi.

Bul qadamnan keıin olar brıtan koról áýletiniń músheleri Megan Markl jáne hanzada Garrımen salystyryldy. Jas jubaılarǵa "Japondyq Garrı men Megan" dep laqap at ta berilgen.

Markl hanym sıaqty, Komýro myrza da Mako hanymmen qarym-qatynasy jarıalanǵannan beri buqaralyq aqparat quraldary jaǵynan qatty baqylaýǵa alyndy. Jaqynda Komýro Japonıaǵa oralǵanda jelke shashyn býǵany úshin synǵa ushyrady.

Keıbir tabloıdtyq gazetter men áleýmettik jeli qoldanýshylary onyń Japonıadaǵy dástúrli emes shash úlgisi "hanshaıymǵa úılenetin adamǵa laıyq emes" dep sanaıdy.

Komýro myrzaǵa degen óshpendiliktiń anyq sebebi de bar. Keıbir dástúrshil japondar ımperator otbasy úshin Komýro myrza laıyqty emes degen pikirde.

Nú-Iorktegi eń jaqsy zań fırmasynan jumys usynysyn alǵan Komýro qarapaıym otbasydan shyqqan. Al, jergilikti tabloıdtar jyldar boıy onyń otbasyna, sonyń ishinde anasyna qarsy aıyptaýlar taǵyp, maqalalar jarıalap keledi.

Ótken birneshe jylda olardyń júris-turysyn baqylaýǵa alǵan japondyq BAQ-tyń aıaýsyz maqalalarynan keıin hanshaıym Mako qatty kúızeliske ushyraǵan.

"Ol BAQ jaǵynan japon ımperator áýletindegi depressıaǵa ushyrap, zardap shekken jalǵyz áıel emes" dep jazady BBC.