Qytaı eldegi kishigirim qalalarǵa "óte bıik kópqabatty úıler" salýǵa shekteý qoıdy.

Jańa erejege saı, úsh mıllıonnan az halqy bar qalalarǵa bıiktigi 150 metrden asatyn záýlim ǵımarattar salýǵa shekteý qoıylady.

Bıiktigi 500 metrden asatyn ǵımarattardyń salynýyna qazirdiń ózinde tyıym salynǵan.

Qytaıda álemdegi eń bıik ǵımarattar ornalasqan, onyń ishinde 632 metrlik Shanhaı munarasy men Shenchjendegi 599,1 metrlik Pıng An qarjy ortalyǵy bar.

Jergilikti habarlar Shanhaı jáne Shenchjen sıaqty halyq kóp qalalarda záýlim ǵımarattar qajet bolýy múmkin ekenin aıtady, al basqa qalalarda jer tapshylyǵy joq.

Osy jyldyń basynda Shenchjen qalasyndaǵy "SEG Plaza" dep atalatyn 350 metrlik záýlim ǵımarat terbele bastaǵanda júzdegen adam ómirine qaýip tóngen.

Qytaı jergilikti qurylys salýshylardyń kóz tartatyn ǵımarattar salýǵa qumarlyǵyn synaı otyryp, qymbat turatyn qurylys jobalaryna qysym kórsetýde.