«Ýkraınanyń shyǵysyndaǵy qarýly qaqtyǵys birneshe aıda sheshimin tabýy múmkin», - dep málimdedi AQSH-tyń memlekettik hatshysy Djon Kerrı MSNBC efırinde bergen suhbatynda. Bul týraly «Qamshy» portaly unian.info-ǵa silteme bere otyryp habarlaıdy.

«Bul kúrdeli máseleniń sheshimi bar dep oılaımyn. Oǵan sebep, biz burynyraqta talqyǵa salǵan «Mınsk» josparyn tolyǵymen iske qosý úshin Ýkraına Prezıdenti Petr Poroshenko, Fransıa Prezıdenti Fransýa Olland, Germanıa kansleri Angela Merkel jáne Reseı Prezıdenti Vladımır Pýtınmen bas qospaqpyz. Mańyzdy kezdesý 2-shi qazan kúni Parıjde ótetin bolady», - dedi Kerrı.

Atalmysh kezdesýdiń ótkizilý merzimi 10-qyrkúıekte, Petr Poroshenkonyń áriptesterimen telefon arqyly ornatqan baılanysynda josparlanǵan bolatyn.

 «Birqatar suraqtarǵa jaýap alý úshin aldaǵy úsh aı boıy birigip jumys isteı alamyz degen oıdamyn. Eger seriktestikke jol bar bolsa, onda Ýkraınanyń progreske jetý jolynda da potensıaly bar!», - dep qorytyndylady Kerrı.

Aıta keteıik, aǵymdaǵy jyldyń 12-mamyrynda Djon Kerrı, Vladımır Pýtın jáne Reseıdiń Syrtqy ister mınıstri Sergeı Lavrov Sochı qalasynda kezdesken bolatyn. Ashyq talqylaý Ýkraına, Iran jáne Sırıa jaǵdaılaryna arnalǵan bolatyn.

Nazgúl Nazar