«Nur Otan» partıasy Shymkent qalalyq fılıaly tóraǵasynyń orynbasary, fraksıa jetekshisi Bekaıdar Týlegenov, qalalyq máslıhat depýtattary, fraksıa músheleri L.Sýlaımanov, B.Qydyrbaev, M.Joldyhodjaevtarmen birge «Qytaı-Qazaqstan» marganes kásipornynyń jumysymen tanysty. Maqsat aıqyn – partıanyń Ózgerister joly: Ár azamatqa laıyqty ómir!» atty Shymkent qalalyq fılıalynyń 2021-2025 jyldarǵa arnalǵan saılaýaldy baǵdarlamasynyń oryndalýyn baqylaý.

Búginde atalǵan ónerkásip ornynda josparlanǵan jumystyń 80 paıyzy aıaqtalǵan. İske qosylsa 150 adam turaqty jumyspen qamtylady. Jylyna 50 myń tonna ónim shyǵarýǵa qaýqarly bul jobanyń quny 2,8 mlrd. teńgeni quraıdy.

Odan ózge qytaılyq ınvestorlardyń qatysýymen júzege asyp jatqan «Amır-A» (Sin Yuan Steel) jaýapkershiligi shekteýli seriktestigi aıasynda 250 jumys orny qurylady dep josparlanýda. Bul jobanyń quny 18 mlrd. teńge bolady.

Sonymen qatar jumysshy top «DENTAFILL KAZAKHSTAN» JSHS óndiris ornynda da boldy. Jalpy quny 2,5 mlrd. teńgeni quraıtyn bul joba iske qosylsa 90 adam turaqty jumys ornymen qamtylady.