Almatyda sot oryndaýshysyn soqqyǵa jyqqan Maqsot Ysqaqov jazaǵa tartylmaıtyn boldy. Bul týraly Almaty qalalyq polısıa departamenti habarlady. 

Aıyptalýshy Maqsat Ysqaqovqa "Sot oryndaýshylarynyń qyzmetine kedergi keltirý" baby boıynsha júrgizilgen tergeýdiń qorytyndysy shyqqan.

– Tergeý jumystary barysynda sot oryndaýshysynyń shabýyldan buryn soqqyǵa jyqqan azamatty teýip, sol arqyly ony osyndaı áreketterge ıtermeleý faktileri anyqtaldy. Qolda bar beınejazbalardy zerttep, qylmystyq is materıaldaryna qosyldy, – dedi Almaty qalalyq ishki ister departamenti bastyǵynyń orynbasary Rýstam Ábdirahmanov.

Eske salsaq, 4 qazan kúni Almatyda jeke sot oryndaýshysy Ádil Ermekov qyzmet barysynda soqqyǵa jyǵylǵan. Ony sot sheshimimen kelispegen Almatylyq turǵyn Maqsot Ysqaqov baýyr tusynan soqqan.

Artynsha janjal kezinde zardap shekken sot oryndaýshysy vıdeoúndeý jarıalap, ózine shabýyl jasaǵan adamdy qamatqysy keletinin aıtqan.

Al Maqsot Ysqaqov óz kezeginde polısıaǵa jeke sot oryndaýshysy men onyń kómekshileriniń áreketterine aryz jazyp, ózin kináli dep sanamaıtynyn aıtqan. Ákimshilik sotqa jeke sot oryndaýshysynyń áreketin zańsyz dep taný týraly talap aryz bergen.