Bilim jáne ǵylym mınıstri Asqat Aımaǵambetov "Ǵylym týraly" zańǵa engizilgen ózgerister týraly tarqatyp aıtyp berdi.

Mınıstrdiń sózinshe, keler jyldan bastap gýmanıtarlyq beıindegi ınstıtýttar turaqty túrde qarjylandyrylady. Sonymen qosa 1 600 ǵalym bazalyq qarjylandyrý sheńberinde jalaqy ala bastaıdy. 

– Buryn ǵalymdardyń qatysýymen ótetin árbir kezdesýde ǵylymı zertteýlerdi qarjylandyrý merzimin 3 jyldan 5 jylǵa deıin ulǵaıtý máseleleri kóteriletin edi. Gýmanıtarlyq beıindegi ǵalymdarymyz (qazaq ádebıeti, til bilimi, Qazaqstan tarıhy, arheologıa, fılosofıa jáne t.b.) osy baǵyttardy qarjylandyrý máselesine erekshe nazar aýdarý qajet ekendigin 10 jyldan astam ýaqyttan beri aıtyp keledi, – dedi Asqat Aımaǵambetov. 

– Gýmanıtarlyq beıindegi ınstıtýttar tikeleı qarjylandyrý sheńberinde tek granttyq jobalarǵa táýeldi bolmaı, kerisinshe óz baǵyttary boıynsha zertteýler júrgizý úshin turaqty qarjylandyrylatyn bolady. Sońǵy eki jylda atalǵan keńesterdiń jumysynda aıtarlyqtaı oń ózgerister oryn aldy. Ulttyq ǵylymı keńes sheshimderiniń barynsha negizdiligi men obektıvtiligin qamtamasyz etý úshin zań júzinde apelásıalyq komısıa engizilip jatyr. Komısıa ulttyq ǵylymı keńes sheshimderine qatysty ǵalymdardyń apelásıalary men ádep kodeksin saqtaý máselelerin qarastyratyn bolady, – dedi ol.