Shymkent qalasynyń ákimi Murat Áıtenov jumys kestesine sáıkes búgin "Kómeshbulaq" aýyz sý magıstraliniń qurylysyn qadaǵalady.

Bıyl qalanyń aýyz sý ınfraqurylymyn jetildirýge 16 mlrd teńge baǵyttalyp, 3 magıstraldy, aýyz sý tasymalyna táýeldi 7 eldi mekenge sý jetkizý, kestemen beriletin 2 eldi mekende ishki oramdyq sý júıeleriniń qurylystary atqaryldy. Nátıjesinde jyl sońyna deıin 25 myń turǵyn sapaly aýyz sýmen qamtylyp, qalanyń jalpy qamtylý kórsetkishi 95,6%-dan 98%-ǵa jetetin bolady.

Jalpy uzyndyǵy 4,48 shaqyrymdy quraıtyn jobanyń qurylys alańynda sala jetekshilerimen jumys jıynyn ótkizgen Murat Dúısenbekuly, Memleket basshysy bıylǵy Joldaýynda halyqty aýyz sýmen qamtý boıynsha naqty mindet qoıǵanyna toqtalyp, bul salada 2023 jylǵa deıin qalanyń aýyz sýmen qamtylý kórsetkishin 100%-ǵa jetkizý mejelengenin aıtty.

Atqarylǵan isterdiń sapasyn aıryqsha baqylaýda ustaýdy, qurylys nysandaryn belgilengen merzimderinde aıaqtalýyn qadaǵalaýdy tapsyrdy.