Shymkent qalasynyń ákimi Murat Áıtenov «LTD-Turmys» JSHS-niń bazasyna baryp, mekemeniń qysqy maýsymǵa daıyndyq jumystarymen tanysty.

2021-2022 jylǵy kúzgi-qysqy maýsymda Abaı aýdany aýmaǵynyń ortalyq kóshelerin qardan tazartý jumystaryna «LTD Turmys» JSHS tarapynan 105 jumysshy, 49 dana arnaıy mamandandyrylǵan qar kúreý, qum sebý jáne aıaqjoldardy tazalaý tehnıkalary daıyndaldy. Atap aıtqanda, qar kúreý, qum sebý jumystaryna – 34 tehnıka, aıaq joldy tazartý jumystaryna – 2 tehnıka, júk tıegish – 5 tehnıka, júk tasyǵysh bortty – 8 tehnıka qysqy maýsymǵa daıyn.

Jalpy aýdan aýmaǵyndaǵy kóshe boılaryna sebiletin 795 tekshe metr ınertti materıaldar «LTD Turmys» JSHS-niń qoımasyna jınaqtalyp, saqtaýda tur. Al qajetti janar-jaǵarmaıdyń qory jetkilikti.

Qala ákimi janar maı qory, júrgizýshiler men jol jumysshylar sany jetkilikti bolýy, ınertti materıaldardyń talaptarǵa sáıkes bolýyn, barlyq tehnıkalardyń arnaýly logo-jazýlarmen jabdyqtalýyn, qar shyǵarǵan kezde arnaıy kólikterdiń baryp kelý syzbasy jasalyp, soǵan sáıkes jumystardy júıeli atqarýdy mindettedi.

Sondaı-aq, qar jaýǵan sátterde qala turǵyndary qajetti jerlerine keptelissiz jetýine jaǵdaı jasaý, tańǵy qyzý qozǵalys bastalǵanǵa deıin joldardy qardan der kezinde tazartý, mektepke baratyn oqýshylardyń júretin joly qar bolmaýy jóninde tapsyrmalar berdi.