Medısınalyq qyzmet úsh deńgeıli júıe boıynsha kórsetiledi. Barlyǵyna arnalǵan medısınalyq qyzmetterdiń bazalyq tegin paketi, saqtandyrylǵandar úshin MÁMS paketi jáne qosymsha qyzmetterdi alǵysy keletinder úshin erikti medısınalyq saqtandyrý.

Sonymen, tegin medısınalyq kómektiń kepildik berilgen kólemine ne kiredi?

- Tegin medısınalyq kómektiń kepildik berilgen kólemi sheńberine alǵashqy medısınalyq – sanıtarlyq kómek kiredi, ol saqtandyrýǵa qatysatynyna nemese qatyspaıtynyna qaramastan barlyǵyna tegin beriletin bolady, óıtkeni alǵashqy medısınalyq – sanıtarlyq kómek deńgeıinde bazalyq medısınalyq qyzmettermen jappaı qamtý-bul densaýlyq saqtaýdyń qoljetimdiligin bildiretin jalpy álemdik standart.

Alǵashqy medısınalyq – sanıtarlyq kómek deńgeıinde nysanaly skrınıngter, júkti áıelderdi baqylaý, bir jasqa deıingi balalardy patronajdaý jáne sozylmaly aýrýlary bar halyqty dınamıkalyq baqylaý, áleýmettik máni bar aýrýlardy emdeý júrgiziletin bolady.

Sondaı — aq jedel járdem men sanıtarıalyq avıasıa, kezek kúttirmeıtin kómek, belgili bir aýrýlar kezinde ambýlatorıalyq dári-dármekpen qamtamasyz etý, áleýmettik mańyzy bar jáne dınamıkalyq baıqaýǵa jatatyn aýrýlar kezinde-josparly stasıonardy almastyratyn jáne stasıonarlyq kómek, týberkýlez kezinde medısınalyq ońaltý kórsetiletin bolady.

Birqatar sozylmaly aýrýlar bar:

- bul júrek-qantamyr júıesiniń aýrýlary, arterıalyq gıpertonıa, bronh demikpesi nemese ókpeniń sozylmaly obstrýktıvti aýrýy, qant dıabeti jáne taǵy basqa tynys alý organdarynyń aýrýlary.

Osylaısha, shuǵyl aralasýdy talap etetin barlyq nárse – bul Tegin medısınalyq kómektiń kepildik berilgen kólemi sheńberinde, al tegin qyzmetterdiń kepildik berilgen kóleminen tys qyzmet kórsetýdiń joǵary standarttary,  qosymsha, qymbat, sırek kórsetiletin qyzmetter – bul mindetti áleýmettik medısınalyq saqtandyrý júıesine kiredi.

- Mindetti áleýmettik medısınalyq saqtandyrý aıasynda qandaı medısınalyq qyzmetter kórsetiledi?

- Mindetti áleýmettik medısınalyq saqtandyrý paketine adamnyń ómir súrý sapasyn jaqsartýǵa baǵyttalǵan medısınalyq qyzmetter, sondaı-aq bolashaq urpaqtyń densaýlyǵy úshin negiz qalaıtyn medısınalyq kómek kiretin bolady.

Mindetti áleýmettik medısınalyq saqtandyrý paketine, konsýltasıalyq-dıagnostıkalyq kómek: deni saý eresekterdi profılaktıkalyq tekserý, balalardy mamandandyrylǵan tekserý, 18 jasqa deıingi balalarǵa, múgedekterge, zeınetkerlerge, kóp balaly analarǵa arnalǵan stomatologıa. Qymbat zerthanalyq qyzmetter: gormondar, dárýmender, onkomarkerler, antıgender, PTR, KT, MRT jáne t. b. Tegin medısınalyq kómektiń kepildik berilgen kólemi sheńberinen tys aýrýlar kezinde ambýlatorıalyq dárilik qamtamasyz etý, tegin medısınalyq kómektiń kepildik berilgen kólemi sheńberine kirmeıtin aýrýlar kezinde stasıonardy almastyratyn kómek, tegin medısınalyq kómektiń kepildik berilgen kólemi sheńberine kirmeıtin aýrýlar kezinde josparly stasıonarlyq kómek, eresekter men balalarǵa Medısınalyq ońaltý profıli boıynsha: kardıologıa, kardıohırýrgıa, nevrologıa, neırohırýrgıa, travmatologıa jáne ortopedıa kómegi kórsetiledi.

- Aıta keterlik, tegin medısınalyq kómektiń kepildik berilgen kólemi sheńberinen tys aýrýlar boıynsha ambýlatorıalyq dári-dármekpen qamtamasyz etý Mindetti áleýmettik medısınalyq saqtandyrý esebinen júzege asyrylatyn bolady. Saqtandyrý júıesine jarna neǵurlym kóp keletin bolsa, soǵurlym bul tizbe keńeıe túsedi

Suraqtar boıynsha koll ortalyqqa qońyraý shalýǵa bolady -1406.

«Mindetti áleýmettik medısınalyq

saqtandyrý qory» KEAQ

 Shymkent qalasy boıynsha

 fılıalynyń, «Halyqty aqparattandyrý

jáne aryz-shaǵymdardy qaraý»bóliminiń basshysy        A.S. Beden