Shymkent ákimi M.Áıtenov Ál-Farabı aýdanynyń qys mezgiline kerekti kúsh-quraldardyń daıyndyǵyn tekserdi.

Aýdanynda 404 kóshe bar. Onyń ishinde 71 - basty kósheler, 333 kóshesi ishki oram kósheleri.

Bıyl qys mezgilinde kóshelerdi tazartý úshin 22 birlik tehnıka, 8 birlik tıegish (pogrýzchık) tehnıkasy, 7 traktor, 16 birlik samosval tehnıkasy, jumysshylardy tasymaldaý úshin 4 birlik avtobýs tehnıkasy, 1 birlik "avtomasterskaıa" tehnıkasy, jalpy 58 tehnıka 285 jumysshy jumyldyrylǵan. Qosymsha qajettilikke baılanysty «LTD Turmys» JSHS tarapynan 29 jaldamaly tehnıkamen kelisimshart jasalǵan.

Aýdan kóshelerin tazartý 4 baǵytqa bólingen. Ár baǵyt boıynsha sqemasy daıyndalyp, kóshelerdiń uzyndyǵy belgilengen. Qar jaýǵan sátten bastap, kezekshi brıgadalar jumysqa daıyn. Jalpy aýdan aýmaǵyn 4 saǵat ishinde qardan túgel tazartý múmkindigi bar.

Sonymen qatar, kóshelerge sebetin taıǵaqqa qarsy 7000 m3 qum,1100 tonna tuz jáne kerekti ınertti zattardyń kólemi anyqtalǵan. Qazirgi tańda qoımada 825 m3 ınertti zat bar.

Qala ákimi tańǵy qyzý qozǵalys bastalǵanǵa deıin kóshelerdiń qardan tazartylýyn, tehnıkalardyń tekseristerin jáne tótenshe jaǵdaılar kezinde habarlasý koll-ortalyqtardyń jumysyn tıimdi uıymdastyrý jumysyn aýdan ákimine tapsyrdy.