Shymkent qalasynyń ákimi Murat Áıtenov Qarataý aýdanynyń qys mezgiline daıyndyq jumystaryn tekserdi.
Aýdanda basty 90 kóshe men 992 ishki oram kóshe, aıaq joldar jáne aýlalardy qardan tazalaý jumystaryn «Jasyl jer» jáne «Aqsemser stroı servıs» mekemeleri júrgizedi. 54 arnaıy tehnıka jáne 350 jumysshy daıyndaldy. 7 myń tekshe metr qum, 2 myń tonna tuz ınertti materıaldar qarastyrylýda.
Ákim, ishki kósheler men aıaqjoldar tazalyǵyn jiti qadaǵalaýdy, qural-jabdyqtar, shetki aýmaqtardaǵy tazalyqshylarǵa jyly kıim men as-sý jetkizilýin qamtamasyz etýdi aıtyp, jumystar barysynda joldarǵa zaqym kelmeýin qadaǵalaý kerektigin tapsyrdy.
Pikir qaldyrý