Búgin Shymkent qalasy turǵyn úı basqarmasynyń basshysy Azamat Rysjanov @akimat_shymkent ınstagram paraqshasynda tikeleı efırde turǵyndarmen júzdesip, turǵyn úı kezegi, onyń jyljýy turǵysynda qoıylǵan suraqtarǵa jaýap berdi.

Turǵyn úıge muqtaj azamattar kezeginde turǵandarǵa memlekettik turǵyn úı qorynan jaldamaly páter belgilengen tártippen kezek retimen beriletinin jáne kezek rettiligi tolyǵymen avtomattandyrylǵanyn aıtty.

- Shymkent qalasy respýblıka boıynsha turǵyn úı qurylysy qarqyndy júrip jatqan aımaqtar qatarynda. Bıyl 976 otbasyny arendalyq pátermen qamtý josparlanǵan. 300 páter jyl basynda jumys isteıtin jastarǵa, 382 páter kezek retimen berildi. Jyl sońyna deıin qalǵan 294 otbasy jaldamaly baspanaǵa qol jetkizedi,- dedi A.Rysjanov.

Turǵyn úı kezegindegiler úshin «Shańyraq» baǵdarlamasymen 1728 páterli 27 kóp qabatty turǵyn úı kezeń-kezeńimen berilýde. Búginde 17 úıdiń ınfraqurylymdyq komýnaldyq qyzmetteri iske qosylyp páter ıelerine kiltteri berildi.

Basqarma basshysy efır kezinde turǵyndardan túsken otyzdan asa suraqqa jaýap berdi.