Shymkent qalasynda Qarabastaý turǵyn alabynyń turǵyndary senbilikke shyǵyp, óz aýmaqtaryn jasyl-jelekke aınaldyrý úshin aǵash otyrǵyzdy. Turǵyndardyń ıgi bastamasyn qoldaǵan ákim Murat Áıtenov jáne Bahadyr Narymbetov bastaǵan qala máslıhatynyń depýtattary senbilik sharasyna qatysyp, kógaldandyrý jumysyna atsalysty.

Qala ákimi qorshaǵan ortany kógaldandyrý jumysy munymen shektelmeıtinin aıtyp, turǵyndardyń belsendiligine alǵysyn jetkizdi.

-«Jasyl qala» degen maǵynany bildiretin qalamyzǵa Memleket basshysynyń tapsyrmasyna sáıkes, 5 jylda 5,5 mln túp aǵash kósheti otyrǵyzylady. Aǵashtar ekologıalyq jaǵdaıdy jaqsartýda klımatqa oń áser etýmen birge, aýany tazartýda jáne ózimizden keıingi urpaqtyń saýlyǵy úshin asa mańyzdy ról atqarady. Sizderdiń búgingi ıgi isterińiz bolashaq urpaq úshin zor úlgi. Kógaldandyrý jumysynda belsendilik kórsetkenderińiz úshin alǵys aıtamyn, - dedi qala ákimi.

Senbilik barysynda eldi mekendegi kósheler men sport alańshalary aýmaǵyna 2000 jýyq jemis aǵashtary men klend, aıland, qaraǵash kóshetteri otyrǵyzyldy.

Aǵash otyrǵyzý sharasyna 600-den asa ákimdik ókilderi men aýdan turǵyndary qatysyp, 7 tehnıka jumyldyrylyp,
№1 avtojol boıyna 60 túp qyrym qaraǵaıy qondyryldy.