Óńir basshysy Ońdasyn Orazalınniń tóraǵalyǵymen ótken jıynda Aqtóbe oblysynyń COVID-19-ǵa qarsy ekpe alý barysy, jalpyulttyq halyq sanaǵy men oblys búdjetiniń ıgerilýine baılanysty suraqtar qaraldy.

Jıynǵa oblys ákiminiń orynbasarlary, birqatar memlekettik basqarmalardyń basshylary, sonymen qatar, Aqtóbe qalasy men aýdan ákimderi onlaın túrde qatysty.

Májilis barysynda óńirdegi sanıtarlyq-epıdemıologıalyq jaǵdaı, COVID-19-ǵa qarsy ekpe alý jáne halyq sanaǵynyń ótý barysy týraly oblys ákiminiń birinshi orynbasary Rýslan Hambarov baıandama jasady. Onyń aıtýynsha sońǵy kúnderi óńirimizde kovıdpen aýyrǵan adamdardyń sany azaıyp, epıdahýal turaqtalyp keledi.

Sonymen qatar, jıyn barysynda oblystyq qarjy basqarmasynyń basshysy Nurlybek Ónerbaevtyń 2021 jylǵa respýblıkalyq búdjetten jáne Ulttyq qordan bólingen qarajattardyń ıgerilýi týraly  baıandamasy tyńdaldy.

Óńir basshysy oblys ákiminiń orynbasarlaryna, Aqtóbe qalasy men aýdandardyń ákimderine qarjynyń durys ıgerilýi týraly máseleni únemi baqylaýda ustaýdy, halyq sanaǵyn onlaın túrinde tapsyrýdy jedeldetýdi jáne mal azyǵyn daıyndaýdy qamtamasyz etýdi aıtyp ótti.
Jıyn sońynda aımaq basshysy oblystyń áleýmettik-ekonomıkalyq damýyna, jol qurylysy qarqynyn tezdetýge jáne t.b. qatysty birqatar naqty tapsyrmalar berdi.